Qazaqstan ekonomıkasynyń energııa tıimdiliginiń keshendi jospary ázirlenýi qajet - Q.Kelimbetov
ANA. 10 mamyr. QazAqparat /Marlan Jıembaı/ - Qazaqstan ekonomıkasynyń energııa tıimdiliginiń keshendi jospary ázirlenýi qajet. Bul týraly búgin Úkimet otyrysynda QR Ekonomıkalyq damý jáne saýda mınıstri Qaırat Kelimbetov aıtty.
Ekonomıkanyń ósýi elektr energııasyn tutynýdyń ulǵaıýymen qatar júretindigin atap ótken mınıstrdiń paıymynsha, Indýstrııa jáne jańa tehnologııalar mınıstrligi, Munaı jáne gaz mınıstrligi elektr energııasyn óndirýdi, sondaı-aq energııa tıimdiligin ulǵaıtý múmkindigin eskere otyryp, ekonomıkanyń elektr energııasyna degen qajettiligin qamtamasyz etý jónindegi is-qımyl josparyn ázirleýi tıis.
«Qazaqstan ekonomıkasynyń energııa tıimdiliginiń keshendi jospary ázirlenýi qajet. Bul qujatty Ekonomıkalyq damý jáne saýda mınıstrligi men Indýstrııa jáne jańa tehnologııalar mınıstrligine aǵymdaǵy jyldyń sońyna deıin ázirleý usynylady», - dedi Q.Kelimbetov.
