Qazaqstan ekonomıkasynyń barlyq salalarynda 4,4 mln. názik jandy eńbek etýde
«Ótken jyldyń qorytyndysy boıynsha, áıelder jumyssyzdyǵy deńgeıi 5,7 paıyzdy qurady. Elimizdiń ekonomıkasynda 4 000 400 áıel eńbekpen qamtylǵan, bul óz kezeginde jumyspen qamtylǵan halyqtyń 49 paıyzyn quraıdy. Názik jandylar ekonomıkanyń barlyq salalarynda jumys isteıdi, degenmen de olardyń sany burynǵysynsha densaýlyq saqtaý, bilim berý, áleýmettik qyzmetterdi kórsetý men saýda salalarynda kóbirek. Sondyqtan da memleket tarapynan jumyspen qamtýda járdemdesý sharalaryn atqarý mańyzdy bolyp tabylady, onyń ishinde áıelder kásipkerligin damytý mańyzdy», - dedi B. Nurymbetov.
Osy rette vıtse-mınıstr bul baǵyttaǵy sharalar «Jumyspen qamtýdyń jol kartasy - 2020» aıasynda 2011 jyldan beri júzege asyrylyp kele jatqanyn eske salyp ótti. Baǵdarlamaǵa qatysýda áıelder basymdyqqa ıe bolyp otyr. Osy jyldary baǵdarlamaǵa qatysqan 300 myńǵa jýyq adamnyń ishinde 49 paıyzyn názik jandylar qurady.