Qazaqstan ekonomıkasynda 2009 jyldyń tórtinshi toqsanynda 7,9 mıllıon adam eńbekpen qamtyldy - Statıstıka agenttigi
ASTANA. Qańtardyń 12-si. QazAqparat - Aldyn ala málimetter boıynsha, Qazaqstan ekonomıkasynda 2009 jyldyń tórtinshi toqsanynda 7,9 mıllıon adam eńbekpen qamtyldy.
Statıstıka agenttigi seısenbi, qańtardyń 12-si kúni osyndaı málimet taratty.
Jaldanǵan jumysshylardyń sany 5,3 mıllıondy, al jumyssyzdar 531,8 myń adamdy qurady, jumyssyzdyq deńgeıi 6,3 paıyzǵa jetti.
Jeltoqsan aıynda (baǵalaý boıynsha) 7,9 mıllıon adam eńbekpen qamtyldy, ondaǵy jaldanǵan jumys kúshiniń úlesi 66,6 paıyzdy qurady. Bul aıda jumyssyzdardyń sany - 532,9 myń adam bolsa, jumyssyzdyq deńgeıi 6,3 paıyzdy shamalady.
2009 jylǵy jeltoqsan aıynyń sońyndaǵy jaǵdaı boıynsha Eńbek jáne halyqty áleýmettik qorǵaý mınıstrliginiń jumyspen qamtý organdarynda resmı tirkelgenderdiń sany 53,4 myń adamǵa jetti. Tirkelgen jumyssyzdardyń úlesi ekonomıkalyq belsendi halyqtyń 0,6 paıyzyn qurady, al jasyryn jumyssyzdyqtyń deńgeıi jeltoqsan aıynda 0,7 paıyzdy shamalady, dep habarlaıdy Statıstıka agenttiginen.
