Qazaqstan ekonomıkasy qurylymynda qolma-qol operatsııalar sanyn qysqartý qajet
ASTANA. QazAqparat - Qazaqstan ekonomıkasy qurylymynda qolma-qol operatsııalar sanyn qysqartý qajet. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Ulttyq ekonomıka mınıstri Erbolat Dosaev málim etti.
«Bizderge qolma-qol aqsha aınalymy, qolma-qol operatsııalar sanyn qysqartý qajet», - dedi mınıstr BAQ ókilderiniń saýalyna oraı. E.Dosaevtyń aıtýynsha, búgingi tańda ekonomıka qurylymyndaǵy qolma-qol aqsha aınalymy shamamen jetpis paıyzǵa jetip otyr. «Bul durys emes. Biz qazirgi sharalardy túsinemiz. Óıtkeni, qolma-qol aqshasyz esep aıyrysý - ashyq esep aıyrysý, nesıe kartasy arqyly qyzmet kórsetý - ol órkenıetti ekonomıkanyń negizi. Men muny qoldaımyn», - dedi ol.
