Qazaqstan ekonomıkasy qarqyndy ósip kele jatqan elder qatarynda 11-shi oryndy ıelendi
ASTANA. QazAqparat - Bloomberg agenttigi jarııalaǵan zertteýge sáıkes aldaǵy eki jylda Azııa jáne Afrıka elderiniń ekonomıkasy olardyń eýropalyq nemese amerıkandyq kórshilerine qaraǵanda tezirek damıdy.
Ekonomıkasy qarqyndy ósip kele jatqan top-20 eldiń qataryna negizinen Azııa jáne Afrıka elderi kirgen. Bul reıtıngte 11-shi oryn Qazaqstanǵa buıyrdy. Atalmysh reıtıngte Qytaı kósh bastap tur. 2015 jyly bul el ekonomıkasynyń ósimi 7 paıyzdy quraýy múmkin, dep jazdy Bloomberg. Fılıppın men Kenııa reıtıngte ekinshi jáne úshinshi oryndarǵa jaıǵasty. Jumyssyzdyq deńgeıiniń joǵary bolýyna jáne turǵyndarynyń 40 paıyzy kedeı bolǵanyna qaramastan, zertteý kórsetkendeı, bıyl kenııalyq ekonomıka 6 paıyzǵa ósýi múmkin. Reıtıngtiń alǵashqy bestigine Úndistan men Indonezııa da kirdi. Aǵymdaǵy jyly álemdik JІÓ 16 paıyzyn quraıtyn Qytaı, Fılıppın, Kenııa Úndistan men Indonezııanyń ekonomıkasy 5 paıyzǵa ósedi. Atap ótý kerek, bul reıtıngte Qazaqstan Birikken Arab Ámirligi jáne Kolýmbııa syndy eldermen qatar ornalasty.
