Qazaqstan ekonomıkasy jarty jylda 4,1%-ǵa ósti: óńirler arasynda kósh bastaǵandar kimder
ASTANA. KAZINFORM — Bıylǵy jyldyń qańtar-maýsym aılarynda Qazaqstannyń jalpy ishki ónimi 4,1%-ǵa ósti. Óńirler arasynda ósim qarqyny boıynsha Ulytaý, Túrkistan jáne Soltústik Qazaqstan oblystary kósh bastady. Bul týraly Stat bıýro málim etti.
Ulttyq statıstıka bıýrosynyń málimetinshe, 2026 jylǵy qańtar-maýsymdaǵy óndiris ádisimen JІÓ kólemi (esepti derekter boıynsha) 71 215 382,4 mln. teńgeni quraǵan.
Ótken jyldyń tıisti kezeńimen salystyrǵanda JІÓ naqty mánde 4,1%-ǵa ósti. Jalpy óńirlik ónimniń (JÓÓ) ósý qarqynynyń eń joǵary kórsetkishteri Ulytaý (15,3%), Túrkistan (13,3%) jáne Soltústik Qazaqstan (11,4%) oblystarynda baıqaldy.
2026 jylǵy qańtar-maýsymda JІÓ qurylymynda eń úlken úlesti Almaty qalasy (20,2%), Astana qalasy (12,5%) jáne Atyraý oblysy (11,7%) ıelendi. JІÓ ósimine eń joǵary úlesti Almaty qalasy (0,68 p.t), Astana qalasy (0,62 p.t) jáne Almaty oblysy (0,47 p.t) qosty.
Eske sala keteıik, buǵan deıin Qazaqstan álemdegi ekonomıkasy damyǵan eń iri 50 memlekettiń qataryna engenin jazǵan bolatynbyz.
