Qazaqstan ekonomıkasy tórt aıda 3,6%-ǵa ósti

Ulttyq statıstıka bıýrosynyń aldyn ala derekterine sáıkes, ónerkásip óndirisiniń naqty kólem ındeksi 102,1%-dy qurady.

Ekonomıkanyń qalpyna kelýine negizgi serpin óńdeý ónerkásibinen berildi. Bul sektordaǵy óndiris kólemi 9,9%-ǵa artqan.

Mashına jasaý salasynda ósim 23,3%-dy qurady. Buǵan kólik quraldaryn, aýyl sharýashylyǵy jáne temirjol tehnıkasyn, elektr taýarlary men jabdyqtaryn óndirý kóleminiń ulǵaıýy áser etken.

Sondaı-aq jeńil ónerkásip kólemi 2,3 ese ósti.

Budan bólek:
– jıhaz óndirisi – 41,7%-ǵa;
– farmatsevtıka – 35,2%-ǵa;
– qurylys materıaldaryn óndirý – 27,7%-ǵa;
– hımııa ónerkásibi – 18,4%-ǵa;
– azyq-túlik óndirisi 14,4%-ǵa artqan.

Jalpy, jyl basynan bergi tórt aıda ekonomıkanyń oń dınamıkasy bazalyq salalardaǵy turaqty ósim esebinen qamtamasyz etildi.

Eń joǵary ósim kórsetkishteri:
– qurylys salasynda – 114,5%;
– kólik jáne qoımalaýda – 112%;
– óńdeý ónerkásibinde – 109,9%;
– saýdada – 105,1%;
– aýyl sharýashylyǵynda – 103,6% boldy.

Osylaısha, JІÓ ósiminiń qazirgi qurylymy shıkizattyq emes sektorlardyń, ásirese qurylys, kólik, saýda jáne óńdeý ónerkásibi róliniń kúsheıgenin kórsetip otyr.

Aıta keteıik, HVQ 2031 jylǵa qaraı Qazaqstandaǵy jan basyna shaqqandaǵy ІJÓ 23 myń dollarǵa jetýi múmkin ekenin habarlady.