Qazaqstan ekonomıkasy 6 aıda 6,2 paıyz ósim kórsetti - Úkimet otyrysy

ASTANA. KAZINFORM – Premer-mınıstrdiń orynbasary – Ulttyq ekonomıka mınıstri Serik Jumanǵarın Úkimet otyrysynda jyldyń 6 aıynda el ekonomıkasy 6,2 paıyz ósim kórsetkenin málim etti.

- Qańtar-maýsym aılarynyń qorytyndysy boıynsha ekonomıkanyń ósýi 6,2% - ǵa jetti, alǵashqy bes aımen salystyrǵanda 0,2 paıyzdyq tarmaqqa jedeldedi. Bul ótken jyldyń sáıkes kezeńindegi qarqynnan joǵary jáne sońǵy 12 jyldaǵy JІÓ ósýiniń eń joǵary kórsetkishi, - dedi ol.

Onyń sózinshe naqty sektordaǵy ósim 8% bolyp, qyzmetter óndirisi 5,2% ósken.

- Negizgi draıverler – kólik jáne qurylys salalary. Saýda jandanyp, taý-ken ónerkásibi 8,4%, óńdeý sektory 5,5%, aýyl sharýashylyǵy 3,7% ósip otyr, - dedi Serik Jumanǵarın.

Buǵan deıingi resmı derekterde 2025 jyldyń 4 aıynda Qazaqstannyń jalpy ishki ónimi 6% ósim kórsetkeni aıtylǵan edi. Bul kórsetkish qańtar–naýryzdaǵy (5,6%) ósimnen joǵary jáne ótken jyldyń sáıkes kezeńimen salystyrǵanda (3,4%) eki ese jýyq artty.