Qazaqstan ekonomıkanyń dollarlanýyn tómendetý is-sharalary josparyn ázirleıdi
ASTANA. QazAqparat - Qazaqstan ekonomıkanyń dollarlanýyn tómendetý is-sharalary josparyn ázirleıdi. Bul týraly búgin Aqordada Memleket basshysy Nursultan Nazarbaevtyń tóraǵalyǵymen ótip jatqan QR Úkimetiniń keńeıtilgen otyrysynda Ulttyq bank tóraǵasy Qaırat Kelimbetov málim etti.
«Inflıatsııany qysqa merzimdi perspektıvada 3-4 paıyzǵa deıin tómendetý úshin bazalyq alǵysharttar qurý úshin Ulttyq bank ınflıatsııalyq shekteýge negizdelgen jańa aqsha-nesıe saıasatyna kóshýdi josparlaýda», - dedi Q.Kelimbetov.
Degenmen, Ulttyq bank tóraǵasynyń atap ótýinshe, ekonomıkanyń dollarlaný deńgeıin tómendetpeı mundaı saıasattyń tıimdiligin qamtamasyz etý ári ınflıatsııalyq shekteý rejiminiń jemisti jumys isteýi óte qıyn bolmaq.
«Osyǵan baılanysty Ulttyq bank Úkimetpen birlesip, ekonomıkanyń dollarlaný deńgeıin tómendetý boıynsha is-sharalar josparyn ázirleýdi usynady», - dedi ol.
