Qazaqstan ekonomıkanyń básekege qabilettiligi boıynsha Reseıden ozdy
ASTANA. QazAqparat - Shveıtsarııanyń IMD bıznes-mektebiniń baǵalaýy boıynsha Reseı ekonomıkadaǵy básekege qabilettiligi jóninen 44-ten 46-shy orynǵa, ıaǵnı eki saty tómen tústi. Al Qazaqstan kerisinshe, 32-shi orynǵa kóterilip, Reseıden ozyp shyqty. Ýkraına 60-shy orynǵa yǵysty, dep jazady rbc.ru.
Mamandar bul Reseıdiń 2012 jyldan bergi eń tómenge kórsetkishi ekendigin aıtýda. Bir jyl ishinde Reseıdi ekonomıkadaǵy básekege qabilettiligi jaǵynan Indoenzııa men Qazaqstan basyp ozdy. Reseıden joǵary sonymen qatar Saýd Arabııasy men Kıpr de tur.
Bul rette básekege qabilettilik retinde ekonomıkanyń kórsetkishteri, úkimet jumysynyń tıimdiligi men bıznes pen ınfraqurylymnyń sapasy nazarǵa alynǵan.
Qazaqstan 47-den 32-shi orynǵa kóterilip, óziniń pozıtsııasyn nyǵaıta tústi. Ótken jyldar ishinde Qazaqstan «Memleket qarjysy» baǵyty boıynsha 51-shi orynnan birden 4 satyǵa kóterilip, qaryshty qadam jasady. Elimiz «ishki ekonomıka» baǵyty boıynsha 51-shi orynnan 40-shy orynǵa kóterildi. Sondaı-aq Qazaqstan «Bıznestiń tıimdili» talaptary boıynsha da aıtarlyqtaı jetistikke jetken.
