Qazaqstan Ekonomıkalyq yntymaqtastyq uıymy elderiniń birinshi Ýnıversıadasynda birinshi oryn aldy
ASTANA. 22 sáýir. QazAqparat - 2013 jyldyń 15-20 sáýiri aralyǵynda Lefkosha (Kıpr) qalasynda Ekonomıkalyq yntymaqtastyq uıymy elderiniń birinshi Ýnıversıadasy aıaqtaldy.
Sporttyq jarystarǵa Qazaqstan, Túrkııa, Qyrǵyzstan, Pákistan, Aýǵanstan, Kıpr elderiniń stýdentteri qatysty.
QR BǴM baspasóz qyzmetiniń habarlaýynsha, Ýnıversıadada qazaqstandyqtar jalpykomandalyq 1-orynnan kórinse, Túrkııa 2-oryn, Ázirbaıjan 3-oryn aldy. Qazaqstan qorjynyna 13 altyn, 7 kúmis jáne 1 qola medal tústi.
Qazaqstan qurama komandasyna Qazaq sport jáne týrızm akademııasy, ál-Farabı atyndaǵy Qazaq ulttyq ýnıversıteti jáne E.A. Bóketov atyndaǵy Qaraǵandy memleketti ýnıversıtetiniń stýdentteri endi.
