Qazaqstan Ekonomıkalyq erkindik reıtınginde pozıtsııasyn arttyrýdy jalǵastyrýda
ASTANA. QazAqparat - Qazaqtan ekonomıkalyq erkindik boıynsha halyqaralyq reıtıngte kórsetkishin jaqsartyp keledi. The Heritage Foundation taldaý agenttigi jyl saıyn júrgizetin zertteý jumysynyń qorytyndysyna sáıkes, Ortalyq Azııa eli 41-orynnan kóringen, dep habarlaıdy «QazAqparat» HAA tilshisi.
Qazaqstan 100 upaıdyń 69,1-in jınap, Reseı (107 oryn) men Qytaı (110 oryn) sekildi kórshilerin artta qaldyrǵan. Bizdiń elimizge jaqyn oryndardan ıAmaıka (40 oryn) men Kolýmbııa (42 oryn) kórinip otyr.
Birneshe jyl buryn ǵana bizdiń elimiz TOP-50 qatarynan kórinbeı, tek 69-orynda turǵan edi.
The Heritage Foundation reıtınginde memleketterdiń ekonomıkasy 10 negizgi talap boıynsha baǵalanady. Naqtyraq aıtqanda, bıznes erkindigi, saýda erkindigi, sybaılas jemqorlyqtan derbestik, eńbek naryǵynyń ıkemdiligi jáne taǵy basqa talaptar bar.
Reıtıngti ázirleýshilerdiń aıtýynsha, Qazaqstan óz kezeginde ınvestıtsııalardyń erkindigi men úkimet berip otyrǵan erkindiktiń arqasynda kórsetkishin jaqsarta túsken.
Sonymen birge, Qazaqstannyń Azııa-Tynyq muhıt aımaǵyna enetin 43 memlekettiń ishinde 11-shi orynnan kórinip otyrǵany erekshe atalyp ótken. Qazaqstannyń ekonomıkalyq erkindiginiń ındeksi aımaqtyń ortasha deńgeıi men álemdik deńgeıden joǵary tur.
Bıyl The Heritage Foundation osymen 24-shi márte Gonkongty álemdegi ekonomıkasy eń erkin aýmaq dep atady.Ekinshi orynda Sıngapýr tur. Kóshbasshylardyń úshtigin Jańa Zelandııa túıindeıdi.
Álemdegi ekonomıkasy eń erkin elderdiń ondyǵyna Shveıtsarııa, Avstralııa, Irlandııa, Estonııa, Ulybrıtanııa, Kanada jáne BAÁ engen.
