Qazaqstan Ekonomıkalyq erkindik ındeksinde 52-orynda
ASTANA. QazAqparat - Qazaqstan kanadalyq Freızer ınstıtýty (Fraser Institute) jarııalaǵan ekonomıkalyq erkindik ındeksinde 159 el arasynda 52-orynǵa ıe boldy.
Aǵymdaǵy jyly reıtıngte bastapqy oryndarda Gonkong, Sıngapýr, Jańa Zelandııa, Shveıtsarııa, Kanada, Irlandııa, Birikken Arab Ámirlikteri tur. Alǵashqy ondyqty Avstralııa men Ulybrıtanııa aıaqtaıdy.
Qazaqstan reıtıngte Qyrǵyzstan (70), Moldova (99), Reseı (102), Ázerbaıjandy (107) ozyp 52-shi orynǵa ıe boldy. Ýkraınany sarapshylar 135-shi orynǵa qoıdy.
Ekonomıkalyq erkindik ındeksi - jyl saıyn Wall Street Journal gazeti men Heritage Foundation zertteý ortalyǵy esepteıtin álemdik elder boıynsha kórsetkish.
Ekonomıkalyq erkindik taldaýy 1995 jyldan beri ótkiziledi. 2016 jylda reıtıngke 170 el qatysty, alaıda sandyq kórsetkishterge 166 ǵana ıe boldy. Sarapshylar tórt memleket - Aýǵanstan, Irak, Lıhtenshteın men Lıvııaǵa shynaıy statıstıkalyq aqparattyń joqtyǵynan sandyq kórsetkishterdi usyna almady. Reıtıngte birinshi orynda Gonkong.
Ekonomıkalyq erkindik ındeksi ár eldegi erkindiktiń 10 ındıkatoryn esepke alyp júrgiziledi.
