Qazaqstan ekonomıkalyq básekege qabilettilik reıtınginde TMD elderin basyp ozdy
ASTANA. KAZINFORM — Qazaqstan álemdegi ekonomıkalyq básekege qabiletti elder reıtınginde 38-orynǵa jaıǵasty. Osylaısha, Qazaqstan TMD elderi arasynda atalǵan tizimge engen jalǵyz memleket boldy. Bul týraly IMD World Competitiveness Center jarııalaǵan jahandyq zertteý qorytyndysynda aıtylǵan.
Shveıtsarııanyń IMD World Competitiveness Center ortalyǵy jyl saıyn júrgizetin zertteýde álemniń 70 eliniń ekonomıkasy tórt negizgi baǵyt boıynsha baǵalanady. Olar: ekonomıkalyq kórsetkishter, memlekettik basqarý tıimdiligi, bıznestiń tıimdiligi jáne ınfraqurylym. Bıylǵy reıtıngte Qazaqstan 65,4 ball jınap, 38-orynǵa ıe boldy.
Jekelegen faktorlar boıynsha Qazaqstan mynadaı oryndarǵa ıe boldy:
- ekonomıkalyq kórsetkishter – 57-oryn;
- memlekettik basqarý tıimdiligi – 23-oryn;
- bıznes tıimdiligi – 23-oryn;
- ınfraqurylym – 43-oryn.
- jalpy ishki ónimi (JІÓ) - 44-oryn.
2025 jyly Qazaqstan reıtıngte 34-orynda bolǵan. Al 2022 jyly el 43-oryndy ıelengen.
Reıtıngtiń alǵashqy ondyǵyna Sıngapýr (100 ball), Gonkong (95,6 ball), Shveıtsarııa (95,3 ball), Taıvan (94,3 ball), Birikken Arab Ámirlikteri (94,1 ball), Danııa (94,1 ball), Irlandııa (94,1 ball), Nıderland (90,1 ball), Shvetsııa (88,5 ball) jáne AQSh (86,8 ball) kirdi.
Jahandyq reıtıngte Qazaqstan óz kórsetkishteri boıynsha Ispanııa, Portýgalııa, Polsha, Italııa jáne Argentına sekildi birqatar elden joǵary ornalasty.
Sonymen qatar Qazaqstan halqynyń sany 20,4 mln adamǵa jetip, el osy kórsetkish boıynsha 32-orynda tur. Jumyssyzdyq deńgeıi 4,6% bolsa, bul kórsetkish boıynsha Qazaqstan 31-orynǵa ornalasty. Al tutyný baǵalarynyń ınflıatsııasy 11,4%-dy qurap, Qazaqstan 65-orynǵa ıe boldy.
Buǵan deıin S&P Global Ratings Qazaqstannyń táýelsiz kredıttik reıtıngin «BBB» deńgeıine kótergen bolatyn. Bul — eldiń 2016 jyldan beri jetken eń joǵary kórsetkishi. Agenttik Qazaqstan ekonomıkasynyń ornyqtylyǵyn, ınvestıtsııalyq áleýetin jáne qarjylyq býferleriniń jetkiliktiligin atap ótti.
Al Qazaqstandyq tennısshi Elena Rybakına AQSh ashyq chempıonaty bastalǵannan keıin Áıelder tennısi qaýymdastyǵynyń (WTA) Live reıtınginde birinshi orynǵa kóterildi.
Bıbisara Asaýbaeva FIDE reıtıngindegi ornyn saqtap qalǵan edi.
