Qazaqstan ekonomıkadaǵy eńbek ónimdiliginiń ósimi boıynsha TOP-20 elder qataryna endi

ASTANA. QazAqparat - Qazaqstan ekonomıkadaǵy eńbek ónimdiligi boıynsha TOP-50 elderiniń, al onyń ósimi boıynsha TOP-20 elderiniń qataryna qosyldy, sóıtip jetekshi EYDU (Ekonomıkalyq yntymaqtastyq jáne damý uıymy) elderiniń óńdeý ónerkásibindegi eńbek ónimdiligi jónindegi alshaqtyqty 14%-ǵa qysqartty, dep habarlanǵan QR Investıtsıalar jáne damý mınıstrliginiń saıtynda.

Indýstrııalandyrýdyń birinshi besjyldyǵy baǵdarlamalaryn (ÚIID MB) júzege asyrý ulttyq ekonomıkanyń qurylymdyq qaıta qurylýyna túrtki boldy. Memlekettik baǵdarlama óńdeý sektoryn yntalandyrýdy kózdeıdi. Negizgi kúsh jalpy júıelik qoldaý sharalaryna baǵyttalady, básekelestikke yqpal etýdi burmalaıtyn sharalardan birjola bas tartyp, eńbek ónimdiligin yntalandyrýǵa, shyǵyndardy azaıtýǵa jáne adam kapıtalyn damytýǵa kóshý josparlanýda. ÚIID memlekettik baǵdarlamasyn júzege asyrýdyń bazalyq quraldarynyń biri «Ónimdilik-2020» baǵdarlamasy bolyp tabylady. Ony júzege asyrýdyń birinshi kezeńinde (2011-2014 jj.)140 kásipkerlik sýbektisine jalpy somasy 27,5 mlrd. teńge shyǵyndary qaıtaryldy. Ekinshi kezeń bastalǵannan beri 8 kásiporyn energoaýdıt ótkizý, kadrlardy oqytý, sheteldik mamandardy tartý jáne t.b. jumsaǵan óz shyǵyndaryn qaıtaryp aldy. 10 óńirdegi 49 kásipkerlik sýbektisi qoldaý quraldaryn alý maqsatynda usynymdar ázirleýde nemese engizip qoıdy.

Qazirgi ýaqytta QR IDM «KIRI» AQ-men birlese otyryp, baǵdarlamany jańa qoldaý quraldarymen jáne olardy usyný úderisin odan ári jeńildetý jónindegi tolyqtyrý týraly sharalar paketin ázirleýde.