Qazaqstan ekologııalyq taza energııa sektory ǵalymdarynyń, ınjenerleriniń jańa býynyn daıyndaýda

Bul týraly búgin L.Gýmılev atyndaǵy Eýrazııa ulttyq ýnıversıtetinde Bilim jáne ǵylym mınıstri Baqytjan Jumaǵulov málim etti.

Qazirgi kezde  el ǵalymdary «Qazaqstan ekonomıkasynyń energetıkalyq sektoryn damytýdyń 2011-2014 jyldarǵa arnalǵan baǵdarlamasyn» oryndap jatqandyǵyn basa aıtqan ol: «Ázirlengen jańa tehnologııalar men ónimder  elimizdiń  ekonomıkasynda, Indýstrııalyq-ınnovatsııalyq damý baǵdarlamasynda praktıkalyq túrde iske asatyn bolady. Osy baǵytta keleshek ǵalymdardyń, ınjenerlerdiń jańa býyndaryn daıyndap jatyrmyz», - dedi.

Bul rette mınıstrdiń atap ótýinshe, «Nazarbaev Ýnıversıtetinde» halyqaralyq negizde  úsh iri zertteý ortalyǵy qurylǵan. Sondaı-aq Energetıkalyq zertteý ortalyǵynda energııa tıimdiligi problemalarymen sheteldik jáne otandyq ǵalymdarmen birge stýdentter de aınalysatyn bolady. «Osy taqyryp boıynsha  elimizdegi  basqa da kóptegen  joǵary oqý oryndary belsendi jumys jasaýda», - dedi ol.