Qazaqstan ekinshi AES salatyn konsortsıýmnyń tizginin Qytaıǵa bermek

ASTANA. KAZINFORM – Atom energetıkasy jónindegi agenttik tóraǵasy Almasadam Sátqalıev Qazaqstandaǵy taǵy bir AES-ti qytaılyq vender salatynyn málim etti.

– Taǵy da básekeli dıalog bolatyny túsinikti. Bul da ádisteme boıynsha ótedi. Degenmen bazalyq qondyrǵylardy eskersek, buǵan deıin ótkizgen saparlardy eskersek, biz AES salýdaǵy kóshbasshylarǵa basymdyq beremiz, - dedi ol. 

Almasadam Sátqalıev bul jerde kóshbasshylar dep Reseı men Qytaıdy atap otyr. 

– Qytaı Halyq Respýblıkasymen atom salasynda jeke bas kelisimge qol qoıý josparlanyp otyr. Biz sózsiz Qazaqstanda qytaı tehnologııasyn kórgimiz keledi. Bálkim taǵy bir atom elektr stansasyn salýǵa paıdalanarmyz. Biz Qytaı tájirıbesin qabyldaýǵa múddelimiz. Olardyń qurylysty jyldam ári sapaly iske asyratyn múmkindikterin túsinip otyrmyz jáne bul baǵytta jumysty bastap kettik, - dedi agenttik basshysy.

Buǵan deıin Qazaqstanda alǵashqy AES salatyn halyqaralyq konsortsıýmnyń kóshbasshysy reseılik Rosatom bolǵanyn jazǵan edik.