Qazaqstan EAEO-ǵa deıin jasalǵan jer qoınaýy kelisimderin odaqtyń baj erejesinen shyǵardy
ASTANA. KAZINFORM – Astanada ótken Joǵary Eýrazııalyq ekonomıkalyq keńestiń keńeıtilgen quramdaǵy otyrysynda birneshe hattama maquldandy.
Odaqqa múshe elderdiń basshylary qol qoıǵan qujattardyń ishinde «EAEO týraly shartqa Qazaqstan Respýblıkasyndaǵy jer qoınaýyn paıdalaný salasynda týyndaǵan quqyqtyq qatynastarǵa ımporttyq keden bajdarynyń somalaryn bólý týraly erejelerdi qoldanbaý bóliginde ózgerister engizý týraly» hattama da bar.
Bul Qazaqstandaǵy jer qoınaýyn paıdalaný salasynda burynnan bar keıbir kelisimsharttar odaqtyń kedendik baj qaǵıdalaryna baǵynbaıdy degen sóz. Áńgime ásirese 2010 jylǵy 1 shildege deıin jasalǵan munaı-gaz jáne taý-ken jobalary jónindegi kelisimder týraly bolyp otyr. Bul jobalardyń operatorlary Qazaqstanda ıgerip jatqan ken oryndaryna tehnıka, burǵylaý jabdyǵyn, arnaıy mashınalardy, tehnologııalardy ımporttaǵan kezde EAEO qurylmaı turyp bekitilgen kedendik baj erejelerine baǵyna beredi.
Aıta keteıik, Astana qalasynda Qazaqstan tóraǵalyǵy aıasynda Joǵary Eýrazııalyq ekonomıkalyq keńestiń eki kúndik otyrysy ótti.
