«Qazaqstan EAEO-dan shyǵý týraly bastama kóterdi» - aqparat feık

NUR-SULTAN. QazAqparat – Áleýmettik jelide Qazaqstan Eýrazııa ekonomıkalyq odaǵynyń Keden odaǵynan shyǵý týraly bastama kótergeni jaıly aqparat tarap jatyr. Buǵan «Qazaqstan men Reseı arasyndaǵy sheshilmegen kelispeýshilikter» sebep bolǵany jazylǵan. Stopfake.kz saıtynyń málimetinshe, bul aqparat – jalǵan, dep habarlaıdy QazAqparat.

«Qazaqstannyń jospary týraly aqparat shyndyqqa janaspaıdy», – dep habarlady QR Saýda jáne ıntegratsııa mınıstrliginiń baspasóz qyzmetinen.

Bul málimetti QR Syrtqy ister mınıstrligi de teriske shyǵardy.

Stopfake.kz saıtynyń jazýynsha, sondaı-aq Qazaqstan EAEO-dan shyǵýdy josparlap otyrǵany týraly málimdeme, ony taratqan avtor óziniń jeke derekkózderine súıengen. Bul feık aqparattyń belgileriniń biri, óıtkeni derekkózdi anyqtaý jáne ony tekserý múmkin emes. Resmı portaldarda jáne BAQ-ta Qazaqstannyń EAEO-dan shyǵý jónindegi josparlary týraly aqparat joq.