Qazaqstan E-vızany qandaı maqsatta beredi
ASTANA. QazAqparat - QR Syrtqy ister mınıstrligi Qazaqstanǵa keletin sheteldikterge elektrondyq vızanyń qandaı maqsatta beriletindigin málim etti, dep habarlaıdy QazAqparat tilshisi.
«QR múddeli memlekettik organdarymen «Elektrondyq vıza» jol kartasyn júzege asyrý boıynsha jumystar júrgizilip jatyr. Júıeni engizý aıasynda ótinishtiń elektrondy nusqasyn jasaý jáne bir rettik elektrondyq vıza alý (iskerlik, týrıstik nemese emdelýge) qarastyrylýda», - delingen vedomstvonyń QazAqparat saýalyna bergen jaýabynda.
Syrtqy saıası vedomstvoda habarlanǵandaı, e-vızanyń pılottyq jobasy 2018 jyly iske qosylady.
Alǵashqy kezeńde sheteldikter Qazaqstan Respýblıkasynyń memlekettik shekarasyn kesip ótkende elektrondyq vızany Astana jáne Almaty qalalarynyń áýejaılary arqyly rásimdeıtini atalyp ótildi.
«Pılottyq jobany júzege asyrý úshin shaqyrý, vıza berý, elde bolý jáne elden shyǵý tártibin baqylaıtyn algorıtm ázirleý boıynsha jumystar júrgizilip jatyr», - dep habarlady SІM-de.
