Qazaqstan dzıýdoshylary bir kúnde 11 medal ıelendi
ASTANA. 29 qyrkúıek. QazAqparat - Almaty qalasynda ótip jatqan dzıýdodan álemdik Gran-prıdiń birinshi kúni aıaqtaldy. Onyń qorytyndysy boıynsha qazaqstandyq dzıýdoshylar 11 medalǵa qol jetkizdi.
Atap aıtqanda, Eldos Smetov (60 keli) pen Eldos Jumaqanov (66 keli) altynnan alqa taqsa, Aıbek Imashev (60 keli), Ertýǵan Tórenov (73 keli) jáne Aleksandra Podrıadova (48 keli) kúmis medalǵa ıe boldy. Al Ashat Telmanov (60 keli), Rýstam Ibraev (60 keli), Baqdáýlet Sábıtov (66 keli), Dastan Yqybaev (73 keli), Sevara Nıshanbaeva (57 keli) jáne Marıan Ordabaeva (63 keli) qolany enshiledi.
Aıta keteıik, Almaty qalasynda ótip jatqan dzıýdodan álemdik Gran-prı beldesýlerin «KAZsport» telearnasy tikeleı efır arqyly kórsetip jatyr.
