Qazaqstan dzıýdoshylary Azııa chempıonatynda 21 medal jeńip aldy
ASTANA. 17 jeltoqsan. QazAqparat - Qazaqstan dzıýdoshylary Qytaıdyń Haınan provıntsııasynda Azııa jastary men jasóspirimderi arasyndaǵy chempıonatta sátti óner kórsetti, dep habarlaıdy Vesti.kz tilshisi Qazaqstan Dzıýdo qaýymdastyǵy baspasóz qyzmetine silteme jasap.
Jasóspirimder arasyndaǵy jarystarǵa 15-18 jastaǵy sportshylar, jastar arasyndaǵy jarysqa 19-23 jastaǵy sportshylar qatysty. Qorytyndysynda jasy kishi sportshylar toǵyz medaldi jeńip aldy. Maǵjan Shamshıdın (50 kelige deıin) jáne Gúldana Murat (40 kelige deıin) chempıon atandy. Janar Qashqyn (63 kelige deıin) jáne Baýyrjan Jaýyntaev (55 kelige deıin) "kúmis" medaldi ıelendi. Úshinshi orynǵa - Nursultan Isa (60 kelige deıin), Dıdar Hamza (73 kelige deıin), Aıgerim Amanjanova (52 kelige deıin), Aıgerim Ábilqadyrova (57 kelige deıin) jáne Dınara Qusaıyn (70 kelige deıin) jaıǵasty. Jalpy komandalyq synaqta qazaqstandyqtar úshinshi oryn aldy.
Jastar arasyndaǵy jarysta ár túrli dárejedegi 12 medaldi jeńip alyp, Qazaqstan quramasy tórtinshi orynǵa jaıǵasty. Chempıon ataǵy Orazaly Ermekbaıǵa (66 kelige deıin) buıyrdy. Erlan Jaqsybekov (60 kelige deıin), Elaman Erǵalıev (100 keliden joǵary), Darıa Lýnova (48 kelige deıin) "kúmis" medaldi jeńip aldy. Qurmet tuǵyrynyń úshinshi satysyna Asyljan Seıdýáli (55 kelige deıin), Aıdos Ǵalymov (81 kelige deıin), Temirlan Qolbaı (90 kelige deıin), Ádilhan Qozybaev (100 kelige deıin), Eńlik Satybaldy (44 kelige deıin), Ásel Qaısarova (52 kelige deıin), Anna Starchenko (57 kelige deıin) jáne Aqerke Myrzabek (63 kelige deıin) kóterildi.
Jasóspirimder quramasyn jattyqtyrýshylar Ǵalıden Baltın jáne Erlan Alpysbaev, al jastar quramasyn Nurbol Súleımenov jáne Jannat Nurtazına daıyndaǵan.
