Qazaqstan dzıýdodan ótken Gran-prı týrnırin 3 medalmen aıaqtady
ASTANA. QazAqparat – Portýgalııanyń Almada qalasynda dzıýdodan Gran-prı jarysy aıaqtaldy. Qazaqstan quramasy bul dodada úsh medal jeńip aldy, dep habarlaıdy QazAqparat Olympic.kz-ke silteme jasap.
Atap aıtqanda, Abıba Ábýjaqynova 48 kelige deıingi salmaq dárejesinde altyn medal jeńip aldy. Al Ǵalııa Tyńbaeva (48 kelige deıin) men Jansaı Smaǵulov (73 kelige deıin) kúmis júldege ıe boldy.
Dıdar Hamza (90 kelige deıin) men Kamıla Berliqash (78 keliden joǵary) qola júldege bir qadam jetpeı qaldy.27-29 qańtar aralyǵynda ótken týrnırde Qazaqstan namysyn qorǵaýǵa barlyǵy 14 sportshy attanǵan bolatyn. Álemdik dodada medaldar úshin 81 elden 500-den astam sportshy talasty.Foto: olympic.kz
