Qazaqstan dzıýdodan Grýzııadaǵy Eýropa kýbogyn bes medalmen aıaqtady
ASTANA.KAZINFORM - Qazaqstan dzıýdodan Gorı qalasynda (Grýzııa) ótken Eýropa kýbogynda bes medal jeńip aldy.
Ulttyq quramanyń qorjynyna bir kúmis jáne tórt qola júlde tústi.
78 keliden joǵary salmaq dárejesinde Tolqyn Tursynaqynova kúmis medal ıelendi.
Al qola júldege Qanat Seıilhan (66 kelige deıin), Symbat Taǵaı (48 kelige deıin), Aıaýlym Qalmyrza (57 kelige deıin) jáne Karına Takıeva (78 keliden joǵary) qol jetkizdi.
QR UOK málimetinshe, jalpykomandalyq esepte Qazaqstan segizinshi orynǵa turaqtady.
Qazaqstandyq gımnastar Varnadaǵy Challenge Cup kezeńinde úzdik bestikke engenin jazǵan bolatynbyz.
