Qazaqstan dzıýdodan Álem chempıonatynda qola júldeger atandy
NASSAÝ. QazAqparat - Nassaýda (Bagama araldary) dzıýdodan jastar arasynda ótken Álem chempıonatynda Qazaqstan quramasy aralas komandalyq saıysta qola medal jeńip aldy, dep habarlaıdy QazAqparat Qazaqstannyń dzıýdo federatsııasyna silteme jasap.
Qazaqstandyq dzıýdoshylar jubanysh fınalynda Frantsııa quramasyn 5:3 esebimen utyp, jarystyń qola júldegeri atandy.
Álem chempıonatynyń shırek fınalynda Qazaqstan Germanııa quramasyn 5:1 jeńip, jartylaı fınalǵa joldama aldy. Alaıda, jartylaı fınalda Brazııalııa quramasynan 1:5 esebimen jeńilip, jarystyń qola júldesi úshin kúresýge múmkindik berildi.
Aralas komandalyq saıysta Qazaqstan jastar qurama sapynda Arslan Esengel, Narbaev Baýyrjan, Ańsarbek Ǵaınýllın, Janbolat Baǵytbergenov, Erasyl Bolat, Dinahmet Ryssymbek, Sanjar Jabbarov, Ǵalııa Tynbaeva, Aqmaral Naýatbek, Aıda Karchaeva, Móldir Narynova jáne Kámıla Berliqash kúresti.
Esterińizge sala ketsek, 17-21 qazan kúnderi Nassaý qalasynda (Bagama araldary) dzıýdodan jastar arasynda Álem chempıonaty ótti. Álemniń 67 elinen 500-ge jýyq jas tatamı sheberi qatysty. Jyldyń eń mańyzdy baıraqty básekesinde Qazaqstan quramasynyń qorjynyna eki qola júlde tústi. Osyǵan deıin 73 keline deıingi salmaqta el namysyn qorǵaǵan Janbolat Baǵytbergenov qola júldeger atansa, aralas komandalyq saıysta Qazaqstan quramasy taǵy bir qolany jeńip aldy.
