Qazaqstan dzıýdodan álem chempıonatyn bir medalmen aıaqtady
ASTANA. KAZINFORM — Baký qalasynda (Ázirbaıjan) eresekter arasynda dzıýdodan álem chempıonaty aıaqtaldy.
Atalǵan dúbirli dodada ulttyq qurama sapynda eń úzdik nátıjeni Sherzod Davlatov kórsetti. Otandasymyz 60 keli salmaqta kúmis júldeger atandy.
Sondaı-aq Abylaıhan Jubanazar 81 kelide qola júlde úshin beldesken bolatyn. Degenmen qarsylasyna jol berip, jarysty besinshi orynmen aıaqtady.
Sońǵy jarys kúninde aralas komandalar arasynda báseke uıymdastyryldy. Qazaqstan quramasy alǵashqy kezdesýinde Frantsııaǵa qarsy tatamıge shyqty. Nátıjesinde frantsııalyqtar 4:1 esebimen jeńiske jetti.
Osylaısha ulttyq qurama álem birinshiligin bir medalmen aıaqtady.
Aıta ketelik Elena Rybakına álemdik reıtıngide kóshbasshylyq ornyn saqtap qalǵan edi.
