Qazaqstan dzıýdo quramasy Azııa kýbogynda úzdik úshtikke kirdi
ASTANA. KAZINFORM — Qazaqstan quramasy Taıbeıde dzıýdodan ótken Azııa kýbogyn 2 altyn, 2 kúmis jáne 4 qola júldemen aıaqtady.
Qazaqstan dzıýdo federatsııasynan málim etkenindeı, atalmysh dodada Azııanyń 23 elinen 200-den astam sportshy baq synady.
Qazaqstan quramasynan Mádı Jetkergen (-73 kg) men Sanjar Jabbarov (+100 kg) altynnan alqa taqty. Al Meıirbek Baızaqov (-66 kg) men Aıshabıbi Muradımova (-52 kg) kúmis júldege ıe boldy.
Asylhan Zınýllın (-60 kg), Nursultan Zaızaǵalıev (-66 kg), Mádı Edilbaev (+100 kg) jáne Aıana Dúısenbaıǵa (-48 kg) qola medal buıyrdy.
Qazaqstan quramasy jalpykomandalyq medal kestesinde úzdik úshtikti túıindedi.
Eske sala keteıik, budan buryn Qazaqstan dzıýdo quramasy Qazaqstan Barysy Grand Slam jarysyn tarıhı nátıjemen aıaqtaǵanyn jazǵan edik.
