Qazaqstan dzıýdo federatsııasyna bas hatshy taǵaıyndaldy
ASTANA. KAZINFORM — Qazaqstan Respýblıkasynyń eńbek sińirgen sport sheberi, Olımpıada oıyndarynyń kúmis júldegeri Ashat Jitkeev buǵan deıin atqaryp kelgen bas hatshy qyzmetinen bosap, Dzıýdo federatsııasynyń vıtse-prezıdenti bolyp taǵaıyndaldy. Bul týraly UOK málim etti.
Aıta keteıik, Ashat Jitkeev 2011–2012 jyldary Qazaqstannyń erler ulttyq quramasyn basqarǵan, al 2012 jyldan 2019 jylǵa deıin Dzıýdo federatsııasynyń damý jónindegi dırektory qyzmetin atqarǵan.
2023 jyldyń sáýir aıynan bastap Azııa dzıýdo odaǵynyń referı-dırektory laýazymynda jumys istep keledi.
Bos qalǵan bas hatshy qyzmetine Tımýr Bolat taǵaıyndaldy.
Konferentsııa barysynda óńirlik federatsııa ókilderiniń esepteri tyńdalyp, Qazaqstan oblystarynda dzıýdo sportyn damytý boıynsha naqty tapsyrmalar berildi.
Buǵan deıin habarlanǵandaı, Shymkent memlekettik múlik jáne jekeshelendirý departamentiniń basshysy taǵaıyndaldy.