Qazaqstan djıý-djıtsýdan jaǵajaıdaǵy Azııa oıyndarynda 4 medal enshiledi
ASTANA. KAZINFORM – Qazaqstandyq sportshy Nurjan Batyrbekov Qytaıdyń Sanıa qalasynda ótip jatqan 2026 jylǵy jaǵajaıdaǵy Azııa oıyndarynda djıý-djıtsýdan 69 kelige deıingi salmaqta altyn medal jeńip aldy. Aqtyq saıysta Batyrbekov ońtústikkoreıalyq Lı Djeendi 2:0 esebimen jeńdi.
Taǵy bir qazaqstandyq sportshy Álınur Qýatuly sol dodada 69 kelige deıingi salmaqta qola medal ıelendi. Qola júlde úshin ótken kezdesýde ol Sıngapýr ókili Noa Tıan Rýn Lımdi 50:0 esebimen basym tústi.
Sonymen qatar Bolatbek Seıilhan 77 kelige deıingi salmaqta qola medal aldy. Qola úshin ótken jekpe-jekte ol sıngapýrlyq Pol Tıan Chjı Lımdi 2:0 esebimen jeńdi.
62 kelige deıin salmaqta synǵa túsken Batyr Teńizbaı da qarsylasyn qapy qaldyryp, qola medal aldy. Osylaısha, Qazaqstan djıý-djıtsýdan jaǵajaıdaǵy Azııa oıyndarynda 4 medal enshiledi.
Eske sala keteıik, budan buryn Nurjan Batyrbekov jaǵajaı Azıadasynyń altyn júldesi úshin jarys jolyna shyǵatynyn jazǵanbyz.
