Qazaqstan djıý-djıtsýdan álem chempıonatynda jalpy esepte birinshi oryn aldy

ASTANA. KAZINFORM – Taıland astanasy Bangkok qalasynda ótip jatqan djıý-djıtsýdan álem chempıonatynda eresekter arasyndaǵy jeńimpazdar men júldegerler anyqtaldy.

Baıraqty básekede Qazaqstan quramasy tamasha nátıje kórsetip, jalpykomandalyq esepte 1-oryndy ıelendi. Erler jáne áıelder quramasynyń sportshylary 11 altyn, 16 kúmis jáne 13 qola medal jeńip aldy.

Qazaqstannyń chempıondary:

• Talant Toqtybaev (kontakt, 85 kg),
• Aqbar Elýbaıuly (kontakt, +94 kg),
• Aqjúnis Ótebaeva (kontakt, 57 kg),
• Maqsat Tólendi (noý gı, 85 kg),
• Maqsat Muratuly (noý gı, 56 kg),
• Atakeldi Esetov (noý gı, 62 kg),
• Aslan Qanatbek (hıf kontakt, 62 kg),
• Ábý-Bákir Jánibek (hıf kontakt, 69 kg),
• Jibek Qulymbetova (nevaza, 48 kg),
• Sherhan Jaqsylyq (hıf kontakt, 85 kg),
• Bekzat Baımuratov (hıf kontakt, 77 kg).

Jalpykomandalyq esep:

1. Qazaqstan — 11 altyn, 16 kúmis, 13 qola

2. Beıtarap atletter komandasy — 10 altyn, 7 kúmis, 17 qola

3. Vetnam — 8 altyn, 7 kúmis, 10 qola

4. Germanııa — 7 altyn, 3 kúmis, 4 qola

5. Brazılııa — 6 altyn, 7 kúmis, 4 qola

Aıta keteıik, chempıonat 14 qarashaǵa deıin jalǵasady. Aldaǵy kúnderi U16, U18 jáne U21 jas sanattary boıynsha jekpe-jekter ótedi. Eresekter arasyndaǵy básekege 59 memleketten 1100-ge jýyq sportshy qatysty.

Qazaqstanda djıý-djıtsý memleket tarapynan basymdyq berilgen sport túrleriniń biri sanalady. Sońǵy jyldary bul sport jappaı damyp, keń qoldaý tapty. Otandyq sportshylar Azııa oıyndary men álemdik dodalarda turaqty túrde joǵary nátıjeler kórsetip keledi.

Eske salaıyq, 22 jasar qazaq konkıshi Qytaı ulttyq quramasy qataryna qosyldy.