Qazaqstan Úndistannan keletin qysqy saıahatshylar úshin tartymdy baǵytqa aınaldy
ASTANA. KAZINFORM — Elimiz úndistandyq otbasylyq saıahatshylar úshin tartymdy qysqy baǵyttardyń birine aınaldy. Agoda tsıfrlyq týrıstik platformasynyń derekterine sáıkes, osy qysqy maýsymda Qazaqstandy izdeý qyzyǵýshylyǵy 68% ósti. Bul týraly «Kazakh Tourism» UK» kompanııasy málim etti.
Bul úndi otbasylarynyń elimizdiń tabıǵı landshafttaryna jáne qysqy múmkindikterine degen suranysy artqanyn kórsetedi.
Agoda málimetinshe, Úndistanda 2025 jyldyń jeltoqsanynan 2026 jyldyń aqpanyna deıingi aralyqta halyqaralyq otbasylyq saparlarǵa qyzyǵýshylyq ótken jyldyń sáıkes kezeńimen salystyrǵanda 30% ósken. Úndi saıahatshylary qysqy demalys atmosferasyn, tabıǵı sulýlyqty jáne mádenı tájirıbeni biriktiretin maýsymdyq baǵyttardy jıi tańdaı bastady.
Qazaqstan Úndistannan keletin otbasylyq saıahatshylardy taý peızajdarymen jáne tabıǵat aıasyndaǵy demalys múmkindikterimen tartady. Qys kezinde úndi týrısteriniń nazaryn aýdaratyn Azııa elderiniń arasynda Ońtústik Koreıa, Qytaı, Taıvan jáne Japonııa da atap ótiledi.
Atap ótken jón, Úndistannan kelýshiler sany 2023 jylmen salystyrǵanda 87% ósti. Ótken jyly Qazaqstanǵa 146 myńnan astam qonaq kelgen. Bul osy elden kelýshiler qatary artqanyn kórsetedi.
Aıta keteıik, buǵan deıin «Kazakh Tourism» kompanııasy 75% sheteldik saıahatshy Astana men Almatyǵa keletinin málimdegen edi.