Qazaqstan Dúnıejúzilik taý-ken kongresin ótkizýge daıyndyǵy jóninde esep berdi

Onda Qazaqstan Respýblıkasy Investıtsııalar jáne damý mınıstrligi Indýstrıaldy damý jáne ónerkásiptik qaýipsizdik komıteti tóraǵasynyń orynbasary, Dúnıejúzilik taý-ken kongresi Halyqaralyq uıymdastyrý komıtetiniń múshesi Qanat Baıtov «Astana Mining & Metallurgy» kongresi bazasynda 2018 jyldyń 19-22 maýsymynda Astanada ótetin 25-shi Dúnıejúzilik taý-ken kongresine (DTK) daıyndyq jóninde esep berdi.

Búgingi kúni Ulttyq uıymdastyrý komıteti (UUK) qurylyp, ol sátti jumys isteýde. UUK Qurmetti tóraǵasy - Qazaqstan Respýblıkasynyń Premer-Mınıstri. Quramyna ulttyq kompanııalar, salalyq qaýymdastyqtar, ǵylymı ınstıtýttar men bıznes kóshbasshylar engen UUK otyrystary QR Investıtsııalar jáne damý mınıstrliginiń bazasynda ótedi. Sharanyń operatory retinde Iteca kórme kompanııasy bekitildi. Bul kompanııa 20 jyldan astam ýaqyt Qazaqstan boıynsha iri halyqaralyq konferentsııalar men kórmelerdi ótkizip keledi.

Venadaǵy otyrysta túrli taqyryptardy jáne taý-ken metallýrgııalyq kesheniniń barlyq tizbegin qamtıtyn DTK-ni ótkizýdiń keńeıtilgen baǵdarlamasy tanystyryldy. Onda geologııalyq barlaý men óndirýden bastap, baıytýǵa deıingi, baǵalaý táýekelderinen bastap halyqaralyq qarjylandyrýdy tartýǵa deıingi taqyryptar qamtylady. Baǵdarlamada ónerkásiptiń barlyq bazalyq salalaryn jańǵyrtýǵa, Indýstrııa 4.0 baǵdarlaramasynyń elementterin engizýge jáne álemdik Taý-ken metallýrgııalyq kesheninde ony úzdik tájirıbemen qoldaný máselelerine aıryqsha basymdyq berildi.

Alda bolatyn kongreste Taý-ken metallýrgııa salasyn ınvestıtsııalaý máselelerine nazar aýdarý josparlanýda. Daıyndyq barysynda Mines&Money (Eýropadaǵy taý-ken óndirý ónerkásibin ınvestıtsııalaý jónindegi iri konferentsııa) konferentsııasymen kelissózder júrgizildi jáne 2018 jyly DTK bazasynda ınvestıtsııalyq konferentsııa ótkizý týraly kelisim talqylanýda. Bul kelisim júzege assa, bolashaqta Qazaqstanǵa 300-den astam ınvestor tartýǵa múmkindik beredi. Budan bólek, kongresti ótkizý baǵdarlamasy tartymdylyqty arttyrýǵa jáne qarjylyq-ınvestıtsııalyq toptardyń kóptep qatysýyn qamtamasyz etýge baǵyttalyp, ázirlendi. Bul jerde jer qoınaýy týraly Kodekstiń qabyldanýy jáne «Astana» halyqaralyq qarjy ortalyǵynyń bolashaqtaǵy qyzmeti óte mańyzdy.

Eske sala keteıik, 2016 jyldyń 21 qazanynda Rıo-de-Janeıroda ótken Dúnıejúzilik taý-ken kongresi aıasynda Kongrestiń dástúrli sımvoly «Maı shamdy» tapsyrý saltanaty ótip, DTK ótkizý quqyǵy estafetasy Qazaqstan Respýblıkasyna berilgen bolatyn.

«Qazaqstan úshin taý-ken metallýrgııa kesheni el ekonomıkasynyń mańyzdy salalarynyń biri bolyp tabylady. Jalpy ónerkásip óndirisi qurylymynda TMK 18% quraıdy. Sondyqtan, 2018 jyly Dúnıejúzilik taý-ken kongresin Astanada ótkizý biz úshin úlken oqıǵa bolmaq. Bul shara elimizdiń barlyq sektoryna jaǵymdy áser beretini sózsiz. Búgingi deıin jınaǵan tájirıbemiz ben bilimimizge súıene otyryp, 2018 jyly DTK-in joǵary halyqaralyq deńgeıde ótkizetinimizge senimdimin», - dep atap ótti Qanat Baıtov.

Sondaı-aq, Qanat Baıtov: «Dúnıejúzilik taý-ken kongresiniń qundylyǵy  onyń zertteýge jáne salanyń iri kompanııalary qyzyǵýshylyq tanytyp otyrǵan sońǵy zerttemelerge ǵylymı ınstıtýttar kóptep tartylatynynda», - dep atap ótti. Onyń aıtýynsha, qazirgi ýaqytta halyqaralyq kommertsııalyq jáne ınvestıtsııalyq uıymdar tarapynan Kongreske qatysýǵa qyzyǵýshylyq joǵary. Jáne olardyń qarjylyq qoldaýy aýqymdy sharany joǵary deńgeıde uıymdastyrýǵa múmkindik beredi.