Qazaqstan dúnıejúzilik ekonomıkalyq forýmnyń esebine sáıkes memlekettik borysh kórsetkishi boıynsha jahandyq básekege qabilettiliktiń 12-shi ornynda tur

Bul jaǵymdy joǵary kórsetkish. Búgin Parlament Májilisindegi «Memlekettik kepildik berilgen jáne kvazımemlekettik boryshty basqarý taqyrybyndaǵy Úkimet saǵatynda Qarjy mınıstri Bolat Jámishev osylaı málimdedi.

Mınıstrdiń aıtýynsha, Qazaqstannyń jalpy syrtqy boryshynyń basym bóligi korporatıvtik sektorǵa tıesili bolǵandyqtan, memleketke táýekel qysymy sonshalyqty zor emes. Jalpy alǵanda Qazaqstannyń jalpy syrtqy boryshyn tikeleı sheteldik ınvestıtsııalar qurap otyrǵan fırmaaralyq qaryzdardan bólip qaraý kerek. Sondyqtan, osy turǵydan qaraǵanda Qazaqstannyń jalpy syrtqy boryshy 64 mlrd. dollardy quraıdy. Bul jalpy ishki ónimniń 3-4 paıyzyna teń»,-dedi B. Jámishev.

Sonymen qatar Qarjy mınıstriniń aıtýynsha, sońǵy jyldary Qazaqstannyń jalpy syrtqy boryshy qalypty jaǵdaıda ustalyp keledi. «Memlekettik boryshtar boıynsha naqty ındıkatordyń deńgeıi ruqsat etilgen zonada bolyp otyr jáne bul eshqandaı qaýip týdyrmaıdy. Dúnıejúzilik ekonomıkalyq forýmnyń 2011-2012 jylǵy esebine sáıkes memlekettik boryshtar kórsetkishi boıynsha Qazaqstannyń jahandyq básekege qabilettiligi joǵary - 12-shi orynǵa ıe bolyp otyr»,-dedi B. Jámishev.