Qazaqstan Dýbaıdaǵy Álemdik úkimettik sammıtke qatysýda
Onda 130-dan astam úkimet pen halyqaralyq uıymdar ókilderi memlekettik qyzmetterdi usyný úshin ınnovatsııalyq sheshimder máselelerin talqylaıtyn bolady.
Sammıt qatysýshylary úsh kún boıy memlekettik mekemeler jumysyn jaqsartý boıynsha tájirıbe almasady jáne bolashaq úkimet týraly óz boljamdaryn ortaǵa salady. Pikirtalastar ekonomıka men bilim berýdiń keleshegi, tehnologııalar men densaýlyq saqtaýdy damytý taqyryptaryn qozǵaıtyn bolady.
Forýmda Dúnıejúzilik bank prezıdenti Djım En Kım, Býtan koroldiginiń premer-mınıstri Tserıng Tobgaı, BAÁ-nyń Toleranttylyq ister jónindegi memlekettik mınıstri sheıh Lıýbna ál-Kasımı sóz sóıletin bolady. Odan bólek, «Uber» tehnologııasynyń negizin qalaýshy Travıs Kalanık, «Tesla» negizin qalaýshy Elon Mask shaqyrylǵan.
Sammıt qatysýshylary aldaǵy 100 jyldaǵy úkimettik baǵdarlamalardy ıgerý jáne bolashaq álemge tehnologııalardyń yqpal etýi taqyryptarynda sóz qozǵaıtyn bolady.