Qazaqstan DSU-nyń jańa erejelerin ázirleýge belsendi qatysýda

ASTANA. QazAqparat - Qazaqstan Dúnıejúzilik saýda uıymynyń (DSU) qyzmetteri saýdasynyń ishki retteý erejesin ázirleý úderisine belsendi qatysýda. Uıymnyń osyndaı erejelerdi ázirleý mandaty DSU-nyń Saýda qyzmetter saýdalaý týraly bas Kelisimi, atap aıtqanda, lıtsenzııalaý júıesin jetildirýge baǵyttalǵan erejelerdi ázirleý týraly qamtamasyz etilgen, dep habarlaıdy SІM baspasóz qyzmeti.

DSU men Eýrazııalyq ekonomıkalyq odaqqa múshelik sheńberinde Qazaqstan bıznestiń jáne ınvestıtsııalyq qyzmetti júzege asyrýdyń lıtsenzııalaý talaptary men rásimderiniń ashyqtyǵyn jáne boljamdylyǵyn qamtamasyz etý boıynsha mindettemelerdi eskere otyryp, DSU erejeler jobasy  memleketimizdiń Ulttyq ekonomıkalyq múddelerine tolyq saı keledi.

Bul qujatqa lıtsenzııalarǵa, biliktilik talaptaryna, qyzmet kórsetý salasyndaǵy tehnıkalyq standarttarǵa, sondaı-aq elektrondyq qujat aınalymy máselelerine jáne qyzmet kórsetý boıynsha ruqsattardy tıimdi basqarýǵa qatysty máseleler kiredi. Ereje 2017 jyly 10-13 jeltoqsan aralyǵynda Býenos-Aıres qalasynda ótetin 11-shi DSU mınıstrlik konferentsııasynda qabyldanady dep kútilýde.

DSU-nyń qyzmet saýdasynyń ishki reglamentin qabyldaýdyń arqasynda ákimshilik tosqaýyldardy joıýǵa, lıtsenzııalaý rásimderin jeńildetýge, sonymen qatar, memlekettik elektrondyq qyzmetterdi tıimdi qamtamasyz etý arqyly qyzmet kórsetýshilerdiń bıznesterin Qazaqstan naryǵynda qalyptastyrýyna oń yqpalyn tıgizedi.