Qazaqstan DSU komıtetindegi tóraǵalyǵyn aıaqtady

ASTANA. QazAqparat - 1 qarashada Dúnıejúzilik saýda uıymynyń (DSU) shtab-páterinde Qazaqstannyń tóraǵalyǵymen DSU Saýda jáne qorshaǵan orta jónindegi komıtetiniń sońǵy kezdesýi ótti, dep habarlady QR SІM baspasóz qyzmeti.

Іs-sharaǵa DSU-ǵa múshe barlyq elderdiń ókilderi, BUU Saýda jáne damý jónindegi konferentsııasy (ıÝNKTAD), BUU Qorshaǵan orta jónindegi baǵdarlamasy (ıÝNEP), Ekonomıkalyq yntymaqtastyq jáne damý uıymy (EYDU) jáne BUU Klımattyń ózgerýi týraly negizgi konventsııasy (KÓNK) qatysty. Osyǵan baılanysty kezdesýge tóraǵalyq etken qazaqstandyq elshi Janar Aıtjanova osy bastamanyń mańyzdylyǵyn atap ótti.

Kezdesý barysynda birqatar taýarlar men jabdyqtarǵa kedendik baj salyǵyn alyp tastaýǵa baǵyttalǵan kóp jaqty Ekologııalyq taýarlar jónindegi kelisim (ETK) jasasý týraly baıandama tyńdaldy.

Komıtet tóraǵasy Kanada, Jańa Zelandııa, Perý jáne basqa da elderdiń delegatsııalarynyń baıandamalaryna joǵary baǵa berdi jáne DSU-ǵa múshe memleketterdi tyǵyz yntymaqtastyq jasasýǵa shaqyrdy.