Qazaqstan Dostastyq aıasynda ónerkásiptik óndiristiń ósý deńgeıi boıynsha úshinshi orynda tur
SANKT-PETERBOR. Mamyrdyń 7-si. QazAqparat /Elena Mıagkova/ - Qazaqstan TMD-da ónerkásiptik óndiris deńgeıiniń ósýi boıynsha úshinshi orynda tur. Bul týraly Dostastyqtyń Memleketaralyq statıstıkalyq komıtetiniń dereginde aıtylyp otyr.
2010 jyldyń І toqsanynyń qorytyndysy boıynsha Qyrǵyzstan ónerkásiptik ósýdiń qarqyny boıynsha Dostastyq elderiniń ishinde kósh bastady - kórsetkish ótken jyldyń sáıkes kezeńimen salystyrǵanda 78,8 paıyzǵa jetti. Qyrǵyzstandaǵy júıe qurýshy bolyp tabylatyn «Qumtór» altyn-rýda kásipornynyń tolyq qýatyna kirisýiniń arqasynda ónerkásip osyndaı úlken kórsetkishke qol jetkizip otyr. Ekinshi jáne úshinshi orynǵa, sáıkesinshe 16,3 jáne 11,5 paıyz kórsetkishpen Tájikstan men Qazaqstan taban tiredi.
Ýkraınada 3 aıda ónerkásiptik óndiris - 10,8 paıyzǵa, Armenııada - 10,4 paıyzǵa, Ózbekstanda -7 paıyzǵa, Belarýs elinde - 5,9 paıyzǵa, Reseıde - 5,8 paıyzǵa, Ázirbaıjanda - 5,6 paıyzǵa, Moldovada - 4,9 paıyzǵa ósti.
