Qazaqstan dopıngke qarsy zerthanaǵa jańa jabdyq satyp aldy
ASTANA. QazAqparat - Qazaqstandyq sportshylar kelesi aıdan bastap dopıngke qarsy jańa jabdyqtan tekserile bastaıdy. Sáýirde dopıngke qarsy zerthanada zamanaýı tehnıka paıda bolmaq.
Bul týraly «Astana» arnasyna bergen suhbatynda Sport jáne dene tárbıesi komıtetiniń tóraǵasy Elsııar Qanaǵatov habarlady.
Ulttyq olımpıada komıtetiniń prezıdenti Tımýr Qulybaev jańa jabdyq satyp alý týraly máseleni ótken jylǵy qarasha aıynda qozǵaǵan. Sebebi eski qurylǵylar sportshylar qanynnyń quramyndaǵy tyıym salynǵan preparattardy durys anyqtamaýy múmkin.
«Zerthana sáýirdiń basynda jetkizilýi múmkin. Shart jasalyp, aqysy tólengen, jabdyq - zamanaýı. Shetelden ákelinedi, jetkizý ýaqyty kelisilgen, sáýirde bolyp qalady kútip otyrmyz. Barlyq qarjylandyrý máseleleri sheshildi. WADA usynymy boıynsha satyp almaqpyz, bul sportshylarymyzdy egjeı-tegjeıli taldaýymyz úshin mańyzdy», - dedi Komıtet tóraǵasy Elsııar Qanaǵatov.
