Qazaqstan donorlyq júrekti aýystyryp salýmen shuǵyldanatyn álemniń 27 eliniń qataryna kirdi

dep habarlady "Ulttyq ǵylymı kardıohırýrgııalyq ortalyq" AQ Dırektorlar keńesiniń tóraǵasy Qadyr Omarov pm.kz saıtyna bergen suhbatynda.

 "Taıaýda jasalǵan sozylmaly júrek aýrýyna shaldyqqan syrqatqa donor júregin aýystyryp salý operatsııasy Qazaqstanǵa álemdegi donorlyq júrekti aýystyryp salýmen shuǵyldanatyn 27 eliniń qataryna qosylýǵa múmkindik berdi", - dedi Qadyr Omarov.

 Sonymen qatar, Ulttyq ǵylymı kardıohırýrgııalyq ortalyǵynda júrek ımplantatsııasy da damyp keledi. Bıyldyń ózinde 50 shaqty arnaıy devaıs quryldy.

 Budan basqa, ortalyq basshysynyń sózine qaraǵanda, Qazaqstanda dene músheleri donorlyǵyn damytýdyń alǵashqy qadamdary jasalýda.

 «QR Densaýlyq saqtaý mınıstrligi janynan dene músheleri donorlyǵy baǵdarlamasyn ázirleý jónindegi úlken jumys toby qurylǵan. Bul top Eńbek jáne halyqty áleýmettik qorǵaý mınıstrligi men Kólik jáne kommýnıkatsııa mınıstrligin tartý arqyly kóp salaly jumystardy júrgizip jatyr», - dedi Q.Omarov.