Qazaqstan «Doing Bussines» reıtınginde 9 satyǵa joǵarylady
ALMATY. QazAqparat - Qazaqstan «Doing Bussines» reıtınginde 9 satyǵa joǵarylady. Bul týraly reıtıngtiń jarııalanǵan esebinde málim boldy, dep habarlaıdy QazAqparat.
2017 jyly Qazaqstan «Kásiporyn qurý» ındıkatory boıynsha 54-orynnan 45-orynǵa kóterilgen.
Mundaı nátıjege QR Ádilet mınıstrligi júrgizgen ózgeristerdiń arqasynda qol jetken. Atap aıtqanda, kásiporyndy tirkeý ýaqyty birneshe kúnnen birneshe mınýtqa qysqartylyp, kez-kelgen kategorııadaǵy bıznes ashý joldary jeńildetildi.
«Búginde tek tirkeý ýaqyty qysqaryp qana qoıǵan joq. Jarǵylyq kapıtal týraly talap joıyldy. Kásiporyndar mórtabansyz, elektrondy tsıfrlyq qoltańbamen jumys jasaı bastady. Sondaı-aq salyqtyq rásimdeý turǵysyn da jeńildikter jasaldy. Máselen, kásipkerler qosymsha qun salyǵyn elektrondy túrde tirkeı alady. Buryn oǵan 5 kún ketse, endi 1 kúnde qol jetkize alady», - dedi qalalyq Ádilet departamentiniń zańdy tulǵalardy tirkeý bólimi basshysynyń mindetin atqarýshy Aqerke Qojahmetova.
Bul norma «Salyq jáne ózge de mindetti bıýdjet salymdary týraly» Kodekske engenin aıta ketý kerek.
Quzyrly organ ókilderi 1 mamyrdan bastap kúshine engen jańa kodekstegi basqa da ózgeristerdi kásipkerlerge túsindirip berdi. Bul ózgerister kelesi jyldan bastap kúshine enedi.
«Sondaı-aq «Zańdy tulǵalardy memlekettik tirkeý jáne ókildikter men bólimshelerdi esepti tirkeý» týraly Zańnyń 6-babyna da ózgeris endi. Endi kezekte E-gov.kz portaly arqyly saqtandyrý týraly kelisimge kelip, elektrondy shot ashý múmkin bolmaq», - dep tolyqtyrdy A. Qojahmetova.
Aıta ketý kerek, júrgizilgen monıtorıng nátıjelerine sáıkes, jeke kásipkerlerdiń 93 paıyzy onlaın-rejimde tirkelgen.
