Qazaqstan dızel otynyn ımporttaýǵa salynǵan tyıymdy uzartpaq
Atalǵan vedomstvo baspasóz qyzmetiniń málimetinshe, mınıstr sapar barysynda óńir basshysy Ábilqaıyr Sqaqovpen birge eki jylý elektr ortalyǵynda, Pavlodar munaı-hımııa zaýytynda jáne «Neftehım LTD» JShS-da boldy.
«Qazaqstan alıýmınııi» AQ quramyna kiretin JEO-3-te delegatsııaǵa qalany elektrmen jáne jylýmen jabdyqtaý týraly aıtyp berildi. Búginde 50 jyldan astam tarıhy bar kásiporyn óz qyzmetkerlerine barynsha qolaıly jaǵdaı jasaýǵa tyrysýda. Bul óz kezeginde jas kadrlardy qyzyqtyrýǵa jáne tartýǵa múmkindik beredi.
«Pavlodarenergo» AQ bólimshesi sanalatyn JEO-3-te Nurlan Noǵaev pen Ábilqaıyr Sqaqovqa negizgi jabdyqtardy jańartý týraly baıandaldy.
«Neftehım LTD» JShS bazasynda Energetıka mınıstri jáne Pavlodar oblysynyń ákimi metıl-tret-býtıl efır jáne polıpropılen óndirý tsehtarynda boldy.
Bıyl zaýyt polıpropılen shyǵarý kólemin 40 myń tonnaǵa deıin jetkizýdi josparlap otyr. Byltyr jáne ótken jyldaǵy bul kórsetkish shamamen 33 myń tonnany quraǵan.
Kelesi sapar Pavlodar munaı-hımııa zaýyty boldy. Zaýyt avtomobıl benzıni, TS-1 markaly reaktıvti qozǵaltqyshtarǵa arnalǵan otyn, dızel otyny, qazandyq otyny (mazýt), munaı koksy, jol bıtýmy jáne taǵy basqa óndiriseen aınalysady.
Sapar barysynda Nurlan Noǵaev jýrnalısterdiń suraqtaryna jaýap bere otyryp, Energetıka mınıstrliginiń josparlary týraly aıtyp berdi.
«Biz qysqy jáne arktıkalyq otyndy qospaǵanda, dızel otynyn ımporttaýǵa tyıym salýdy kelesi jyldyń sáýirine deıin uzartýdy josparlap otyrmyz. Bul másele boıynsha túpkilikti sheshim áli qabyldanbady. Biraq ishki naryqty dızel otynymen toltyrý úshin alǵysharttar bar ekenin atap ótkim keledi. Jalpy alǵanda, elimiz ben Úkimet basshylyǵynyń arqasynda pandemııa kezinde memlekettik organdar qoımalardyń tolyp ketýine jol bermeý úshin sharalar qabyldaǵanyn atap ótkim keledi. Osyǵan baılanysty, biz zaýyttarymyzdyń toqtap qalýyna jol bermedik jáne ishki janar-jaǵarmaı naryǵynda teńgerimdi saqtap qaldyq», - dedi Nurlan Noǵaev.
