Qazaqstan dızel otyny eksportyna shekteý qoıady - Qanat Bozymbaev
ASTANA. QazAqparat - Qazaqstan dızel otyny eksportyna shekteý qoıady. Bul týraly búgin QR Energetıka mınıstrliginiń keńeıtilgen alqa májilisinde vedomstvo basshysy Qanat Bozymbaev aıtty, dep habarlaıdy QazAqparat tilshisi.
«Dızel otyny tapshylyǵyna jol bermeý maqsatynda mınıstrlik búgingi kúni elden tysqary aýmaqqa dızel otynyn shyǵarýǵa ýaqytsha shekteý qoıýdy qarastyratyn buıryq ázirledi jáne ol kelisim kezeńinde tur», - dedi mınıstr.
Onyń aıtýynsha, 2018 jyly elimizdiń janarmaı quıý stansalarynda dızel otyny baǵasynyń ósýi baıqalǵan. Mundaı jaıtqa kóktemgi-kúzgi kezeńderde aýyl sharýashylyǵy taýaryn óndirýshilerdiń dızel otynyn kóp paıdalanýy, tranzıtttik tasymal kóleminiń artýy, sonymen qatar ımportqa táýeldiliktiń saqtalýy sebep bolǵan.
«Taǵy bir sebep - EAEO elderinde, taıaý kórshilerde dızel otyny baǵasynyń aıtarlyqtaı joǵary bolýy. Mundaı jaǵdaıda otynnyń kórshi elderge aǵylýy, soǵan baılanysty baǵanyń joǵarylaýy - túsinikti jaıt», - dedi Q.Bozymbaev.
Sonymen qatar, mınıstr 2018 jyldyń basynda AI-92 markaly benzınniń bólshek baǵasynyń tómendegeni baıqalǵanyn aıtty.
«Al osy jyldyń aqpanynda AI-92 benzıniniń eń tómengi baǵasy Almaty qalasynda 139 teńgeni qurady»,- dedi ol.
