Qazaqstan dıplomaty Qytaıda ınvestıtsııalyq forýmǵa qatysty

BEIJІŃ-ShANHAI-NANKIN. QazAqparat - Shanhaı qalasyndaǵy QR Bas konsýly Joshyhan Qyraýbaev Tszıansý (QHR) provıntsııasynyń úkimeti uıymdastyrǵan «Bir beldeý - bir jol» ınvestıtsııalyq forýmyna qatysty.

Forýmda sóılegen sózinde J. Qyraýbaev qazaqstandyq-qytaılyq ekonomıkalyq yntymaqtastyqtyń jańa deńgeıine shyǵýynda mańyzdy ról QR Prezıdenti N. Nazarbaevtyń «Nurly jol» jáne QHR Tóraǵasy Sı Tszınpınniń «Bir beldeý - bir jol» bastamalaryn birlesip iske asyrýǵa bólinetinin atap ótti.

Dıplomat saýdany keńeıtý, Qytaı men Eýropa arasyndaǵy keńistikte kólik tasymalyn jedeldetý úshin jańa múmkindikter - «Qorǵas», «Qorǵas - Shyǵys qaqpasy» AEA shekaralyq yntymaqtastyǵy halyqaralyq ortalyǵyn damytýdy, «Batys Qytaı - Batys Eýropa» jolynyń qurylysyn aıaqtaýdy, Lıanıýngan qalasyndaǵy qazaqstandyq-qytaılyq logıstıkalyq termınaldyń jumys isteýin qamtıtynyna toqtaldy.

J. Qyraýbaev qytaı bıznesmenderin «EKSPO-2017» halyqaralyq mamandandyrylǵan kórmege belsendi qatysýǵa shaqyrdy.

Forýmnyń aıaqtalǵan soń Qytaı kásipkerleriniń qaýymdastyǵy J. Qyraýbaevpen kezdesý uıymdastyrdy. Kezdesý barysynda QHR-ǵa qazaqstandyq ónimdi ımporttaý, Qazaqstannyń ınvestıtsııalyq saıasaty salasyndaǵy ekijaqty yntymaqtastyqtyń jekelegen baǵyttary talqylandy.