Qazaqstan dıplomattary Tashkentte shaǵyn fýtbol týrnıriniń jartylaı fınalyna shyqty

Keshe, Tashkentte Ózbekstanda tirkelgen dıplomatııalyq korpýs komandalary arasynda shaǵyn fýtboldan ekikúndik  XIV halyqaralyq týrnır bastaldy. Jarysqa 28 ókildik pen halyqaralyq uıymnyń komandalary qatysýda.

Birinshi kúnniń qorytyndysy boıynsha Qazaqstan quramasy Eýropa, Aýǵanstan, Ýkraına, AQSh jáne Túrkııa komandalaryn jeńip, jartylaı fınalǵa shyqty.

Búgin Qazaqstan, Túrkııa, Iran jáne Ózbekstan Syrtqy ister mınıstrliginiń quramalary týrnır kýbogy úshin baq synaıtyn bolady.