Qazaqstan dinı tózýshilik ıdeıalaryn ilgeriletýdegi kóshbasshy el bolyp tabylady - Varshavadaǵy Sholý konferentsııasy
VARShAVA. Qazannyń 2-si. QazAqparat /Kenjebolat Joldybaı/ - Varshavada EQYU-nyń Adamı ólshemder jónindegi Sholý konferentsııasy jumysyn jalǵastyrýda.
Kezekti plenarlyq otyrysta jáne jeke uıymdastyrylǵan qosymsha sharalarda adamnyń transtsendenttik ólshemin qorǵaıtyn negizgi quqyǵy - din men senim bostandyǵy máseleleri qaraldy. EQYU-nyń Demokratııalyq ınstıtýttar jáne adam quqyqtary jónindegi bıýronyń jáne EQYU-nyń basqa da ınstıtýttary men qurylymdarynyń basymdyqtar men mindettemelerdi, onyń ishinde 1989 jylǵy Vena qorytyndy qujatyn júzege asyrý jónindegi jumystary týraly baıandamalarda uıymǵa qatysýshy memleketterdiń din men senim bostandyqtaryn qamtamasyz etý qyzmetterine jasalǵan taldaýlar tanystyryldy. Qatysýshy memleketterge zańnamalardyń din bostandyǵynyń negizgi quqyqtary men kemsitpeýshilik qaǵıdalaryna qatysty jeke oılardy bildirýdiń arasyndaǵy qaqtyǵystardyń aldyn alýǵa qatysty taraýlaryn jetildirý jónindegi naqty usynys-keńester berildi.
Taǵy bir aıta ketetin jaıt, jaryssózge qatysýshylardyń birqatary, tózýshilik, ózara qurmet jáne bir-biriniń ishki isterine aralaspaý qaǵıdalaryna negizdelgen memlekettiń dinı birlestiktermen qarym-qatynasynyń qazaqstandyq modeliniń biregeıligin atap kórsetti.
