Qazaqstan dinder basshylary sezi hatshylyǵynyń músheler sanyn kóbeıtýge múddeli emes
A. Jeltoqsannyń 3-i. QazAqparat /Qanat Mámetqazyuly/ - Qazaqstan dinder basshylary sezi hatshylyǵynyń músheler sanyn kóbeıtýge múddeli emes. Búgin elordada Álemdik jáne dástúrli dinder lıderleri sezi hatshylyǵynyń ІH otyrysy barysynda QR Parlamenti Senatynyń Tóraǵasy Qasym‑Jomart Toqaev osylaı málim etti,
dep habarlaıdy QazAqparat.
«Hatshylyq quramynda kóp jyldan beri jumys istep kele jatqan qyzmetkerler bar. Degenmen de, sońǵy ýaqyttaǵy formattyń ózgerýine baılanysty hatshylyq quramyn shektegen durys, qajet bolsa rotatsııalyq prıntsıpti de qarastyratyn bolamyz. Sonymen birge, aldaǵy jyldary bolatyn sezdiń kún tártibine qatysty budan keıingi jumysymyzdy belsendire túsýimiz qajet. Osyǵan oraı, hatshylyqtyń barlyq músheleri óz usynystaryn kelesi otyrysqa deıin joldaýy qajet», dedi Q. Toqaev.
Sonymen birge, Senat Tóraǵasy sezd jumysyn ózektendire túsýge qatysty Qazaqstan tarapynan atqarylyp jatqan sharalarǵa toqtalyp ótti. «Qazaqstanda Mádenıet jáne dinderdiń halyqaralyq ortalyǵy bar. Osy ortalyq Ádilet mınıstrligimen birlese otyryp hatshylyqqa utymdy ıdeıalary men usynystaryn joldaıdy, ári jumysymyzdyń mazmundyq jaǵyna jaýap beredi», degen Q. Toqaev jıynǵa qatysýshylarǵa jemisti eńbekteri úshin alǵysyn jetkizdi.
