Qazaqstan Devıs Kýbogynyń reıtıngisinde 7-shi orynǵa kóterildi
ASTANA. 5 aqpan. QazAqparat - Tennısten Qazaqstan quramasy Devıs Kýbogynyń jańartylǵan reıtıngisinde 7-shi orynǵa kóterildi, dep habarlaıdy Vesti.kz tilshisi.
Avstrııa quramasyn jeńgennen keıin qazaqstandyqtar bir satyǵa joǵarylaı aldy. Tennısten erler quramalarynyń klassıfıkatsııasynda kóshbasshylyqty ıspandyqtar saqtap qaldy. Ekinshi orynda Chehııa quramasy, olarmen Qazaqstan komandasy shırek fınalda kezdesetin bolady. Al úshinshi oryndy argentınalyqtar ıelenýde.
Birden toǵyz pozıtsııaǵa túsip qalǵan Reseı quramasy reıtıngtiń jańartylǵan nusqasynda 26-shy orynnan kórinýde.
Esterińizge sala keteıik, fınaldyń 1/8 oıynynda qazaqstandyq tennısshiler Avstrııa quramasyn 3:1 esebimen jeńdi.
Devıs Kýbogy. 4 aqpandaǵy reıtıng:
1 (1). Ispanııa - 32000,00;
2 (2). Chehııa - 30808,44;
3 (3). Argentına - 20781,25;
4 (4). Serbııa - 19121,88;
5 (5). Frantsııa - 14801,25;
6 (6). AQSh - 10862,50;
7 (8). Qazaqstan - 5424,06;
8 (12). Kanada - 5206,88;
9 (13). Italııa - 5009,38;
10 (7). Horvatııa - 4335,00.
