Qazaqstan Devıs kýbogy-2011 týrnıriniń 1-shi aınalymynda Chehııa quramasymen oınaıdy

Bul aqparatty elimizdiń Tennıs federatsııasynyń baspasóz qyzmeti taratyp otyr.

Federatsııanyń atap ótýinshe, qarsylastardy anyqtaý keshe Brıýsselde ótken. Qabyldaýshy tarap bolyp 2010 jylǵy Devıs kýbogynyń jartylaı fınalynda Serbııa quramasyna 3-2 esebimen ese jibergen Chehııa anyqtaldy.

Al taıaýda ótken osy týrnırdiń aqtyq synyna joldama alǵan Serbııa men Frantsııa komandalarynyń joly sáıkesinshe Úndistan men Avstrııa quramalarymen túıisedi. Al Devıs kýbogy-2011 týrnıri 1-shi aınalymynyń qalǵan juptary mynalar: Qazaqstan - Chehııa, Argentına - Rýmynııa, Chılı - AQSh, Belgııa - Ispanııa, Germanııa - Horvatııa.

Atalǵan týrnırdiń alǵashqy aınalymy 2011 jyly naýryzdyń 4-i men 6-sy aralyǵynda ótedi.