Qazaqstan Deutsche Bahn kompanııalar tobymen yqpaldastyqty tereńdetpek
ASTANA. KAZINFORM – Qasym-Jomart Toqaev Deutsche Bahn kompanııalar tobynyń basshylarymen kezdesti, dep habarlaıdy Aqordanyń baspasóz qyzmeti.
Memleket basshysy Deutsche Bahn kompanııasynyń otandyq temirjol sektoryn jańǵyrtýǵa qosqan úlesin joǵary baǵalady.
Osy oraıda DB Engineering & Consulting enshiles kásiporny men «Qazaqstan Temir joly» ulttyq kompanııasynyń jolaýshylar tasymalyn damytý baǵytyndaǵy birlesken jobasyn aıryqsha atap ótti.
Prezıdent Qazaqstan óndirýshilerin germanııalyq kontsernniń jetkizý tizbegimen ushtastyrýdyń, sonyń ishinde tıisti sertıfıkattaýdan ótýdiń mańyzyna nazar aýdardy.
Óz kezeginde Deutsche Bahn kompanııasynyń satyp alý jónindegi dırektory ıAn Grote kontsernniń Qazaqstandaǵy jumysy oń baǵalanǵanyna rızashylyq bildirip, yqpaldastyqty tereńdetýge daıyn ekenin málimdedi.
Sonymen qatar kezdesýge DB Cargo Eurasia GmbH jetekshisi Andreas Lıýbs qatysty.
Búgingi tańda Qazaqstan men DB Cargo Eurasia konteınermen júk tasymaldaý salasyn damytý boıynsha áriptestik ornatty. Qazir Transkaspıı halyqaralyq kólik dálizine aıryqsha kóńil bólip otyr.
Taraptar kólik-logıstıka kesheniniń barlyq baǵyty boıynsha uzaqmerzimdi yntymaqtastyqty nyǵaıtýǵa múddeli ekenin rastady.
Osyǵan deıin Memleket basshysy Rhenus Group basqarma tóraǵasyn qabyldaǵan bolatyn.
https://kaz.inform.kz/news/memleket-basshisi-rhenus-group-baskarma-toragasin-kabildadi-61542cc2/
