Qazaqstan derekter ashyqtyǵy jónindegi halyqaralyq reıtınginde 44-orynǵa kóterildi

ASTANA. KAZINFORM — Qazaqstan derekter ashyqtyǵynyń Open Data Inventory (ODIN) álemdik reıtınginde 51-shi orynnan 44-shi orynǵa deıin kóterilip, óz pozıtsııasyn jaqsartty (2020 jyly – 187 eldiń ishinde 54-shi, 2022 jyly – 195 eldiń ishinde 51-shi oryn).

Ulttyq statıstıka bıýrosynyń málimetinshe, 2024 jyly Qazaqstannyń jalpy baly 100-den 72 boldy, reıtıngte resmı statıstıkanyń negizgi sektorlary boıynsha derekter ashyqtyǵy men qamtylý dárejesi baǵalandy. Qazaqstan «qamtý» ındıkatory boıynsha erekshe joǵary nátıje kórsetti, 198 el arasynda 14-shi oryn.

2024 jyly reıtıng kósh basyn Malaızııa bastady, jalpy upaıy – 90, odan keıin úzdik bestikke Sıngapýr, Fınlıandııa, Danııa jáne Polsha kirdi. 

Open Data Inventory (ODIN) halyqaralyq reıtıngi 2015 jyldan bastap qalyptasady jáne Ulttyq statıstıka basqarmasynyń saıtynda nemese basqa da resmı memlekettik platformalarda jarııalanǵan resmı statıstıkanyń ashyqtyǵy men tolyqtyǵyn baǵalaıdy. 

ODIN negizgi maqsaty – derekterdegi olqylyqtardy anyqtaý, ashyq derekter saıasatyn ilgeriletý, paıdalanýshylardyń aqparatqa qol jetimdiligin arttyrý jáne statıstıka organdary men qoǵam arasyndaǵy dıalogty damytý. 

Aıta ketelik Qazaqstan tsıfrlyq básekege qabilettilik reıtınginde TOP-35 eldiń qataryna engen edi.